"Real Madrid"in hücumçusu səhhətinin vəziyyəti ilə bağlı sükutu nikbin bir açıqlama ilə pozub. SİA xarici KİV-ə istinadən xəbər verir ki "Real Madrid" və Fransa millisinin hücumçusu Kilian Mbappe diz zədəsi səbəbindən uzun müddət müalicə aldıqdan sonra vəziyyəti ilə bağlı açıqlama verib .
Xatırladaq ki, oyunçu Parisdə diz müayinəsindən keçib və orada fransız fizioterapevtləri və İspaniya komandasının məşqçiləri ilə birlikdə daha sürətli sağalma üçün bir proqram hazırlayıb.
"Diz yaxşıdır, yaxşılaşır. Hər şey olduqca yaxşı gedir. Bilirəm ki, bu barədə çoxlu fərziyyələr olub və bir çox yalan şeylər deyilib. Bu, yüksək səviyyəli idmançının həyatıdır və biz insanların yoxlamadan və heç bir əsas olmadan şeylər deməsinə öyrəşmişik.
Mən 100% sağalmışam. Parisdə dəqiq diaqnoz qoymaq imkanım oldu. Və birlikdə "Real Madrid"də ən yaxşı səviyyəmə qayıtmaq, eləcə də Dünya Kubokuna hazırlaşmaq üçün bir plan hazırlaya bildik", - deyə o, " As"a bildirib .
Daha əvvəl Mbappenin Dünya Kubokunda oynamaq üçün əməliyyatdan imtina etdiyi bildirilmişdi .
