Bəzən elə görünür ki, bəzi insanlar həmişə uğurludur. Onlar nə etsələr, sanki uğur daim onları izləyir. Numeroloqların fikrincə, bu təsadüfi deyil və burada doğum tarixinin böyük rolu var.
HİT.az xəbər verir ki, bu barədə “Times of India” məlumat yayıb.
Numerologiya üzrə mütəxəssislər hesab edirlər ki, bəzi insanlar doğuş tarixlərinə görə uğuru və maliyyə bolluğunu daha asan cəlb edirlər.
1, 10, 19, 28-də doğulanlar
Bu tarixlərdə doğulanlar Günəş planetinin təsiri altında hesab olunur. Onlar güclü iradəyə malikdir və həyatlarına uğur və maddi rifahı daha asan cəlb edirlər. Belə insanlar tez-tez lider kimi qəbul olunur və özlərinə güvənləri ilə seçilirlər.
Numeroloqların fikrincə, bu insanlar sanki “Günəş kimi parlayırlar” və mənfi təsirlər onların enerjisinə nüfuz edə bilmir. Uğur onları sanki öz-özünə tapır.
9, 18, 27-də doğulanlar
Bu tarixlərdə doğulanlar həmişə “döyüşə hazır” vəziyyətdə olan insanlar kimi təsvir edilir. Onlar çətin görünən məqsədlərə çatmaq üçün böyük səy göstərirlər. Numerologiyada bu insanlar Mars planetinin təsiri ilə əlaqələndirilir və bu da onlara cəsarət və enerjini simvolizə edir.
5, 14, 23-də doğulanlar
Bu tarixlərdə doğulanlar Merkuri planetinin təsiri altında hesab olunur. Onlar ünsiyyət bacarığı və xarizması ilə seçilir, ideyalarını həyata keçirməyi bacarırlar.
Numeroloqların fikrincə, bu insanlar risk etməkdən çəkinmirlər və sosial baxımdan çox təsirlidirlər. Onlar yaxşı dost, ünsiyyətçi və başqalarının sevdiyi şəxslər kimi qəbul olunurlar.
3, 12, 21, 30-da doğulanlar
Bu tarixlərdə doğulanlar Yupiter planetinin təsiri altında hesab olunur. Yupiter uğur, bilik və müsbət enerjini simvolizə edir.
Belə insanlar həm maddi baxımdan imkanlı, həm də empatiya qabiliyyəti yüksək olan şəxslər kimi təsvir edilir. Onlar başqaları ilə əlaqə qurmaqda bacarıqlıdırlar və ətrafdakılar tərəfindən şanslı hesab olunurlar.
QEYD: Astrologiya, tarot, numerologiya, palmologiya, ekstrasens oxumaları və digər oxşar təcrübələr elmi fənlər deyil. Onlar elmi tədqiqatlarla dəstəklənməyən və effektivliyinə dair obyektiv dəlilləri olmayan qədim ənənələrə, inanclara və şərhlərə əsaslanır. Bu metodlar akademik dairələrdə tanınmır və bu mövzularda materiallar çox vaxt əyləncəli xarakter daşıyır - onlar qərar qəbul etmək və ya plan qurmaq üçün etibarlı bir vasitə hesab edilməməlidir. Psixologiya və ya sağlamlıqla bağlı məsələləri həll edərkən həmişə elmi mütəxəssislərlə əlaqə saxlamağa dəyər.
Samir
