Kişineu, 19 mart, AZƏRTAC
Moldova Azərbaycanlıları Konqresi (MAK) bu ölkədə yaşayan 200 azərbaycanlı ailəyə Novruz xonçası və bayram sovqatı hədiyyə edib.
AZƏRTAC xəbər verir ki, MAK-ın sədri Elçin Bayramovun sözlərinə görə, bu layihənin məqsədi Novruzla bağlı milli adət-ənənələri təbliğ etmək və yaşatmaqdır:“Vətəndən uzaqda yaşayan soydaşlarımız arasında milli dəyərlərimizi təbliğ etmək, adət-ənənələrimizi yaşatmaq və bunları gələcək nəsillərə ötürmək olduqca vacibdir. Novruz ənənələrini yaşatmaq həm də Azərbaycan mədəniyyətinin dünyada tanıdılması və soydaşlarımızın birliyinin nümayişi baxımından əhəmiyyətlidir”.
O vurğulayıb ki, Novruz bayramının işğaldan azad olunmuş ərazilərdə də qeyd edilməsi soydaşlarımızda böyük ruh yüksəkliyi yaradıb.
Emil Hüseynli
AZƏRTAC-ın xüsusi müxbiri
Kişineu
