ain.az bildirir, Sia Az saytına əsaslanaraq.
“Mən artıq bir neçə ildir ki, bu foruma gəlirəm və hər dəfə böyük maraq və həyəcanla iştirak edirəm. Təkcə proqramın özü çox ruhlandırıcı deyil, həm də bu forum insanların görüşdüyü çox gözəl bir məkandır. Bu, düşüncələrin görüşdüyü bir platformadır”.
SİA xəbər verir ki, bu fikirləri Macarıstanın UNESCO üzrə Milli Komissiyasının prezidenti, Macarıstan BMT Assosiasiyasının prezidenti, Women 4 Diplomacy International təşkilatının təsisçisi, UNESCO-nun 36-cı Baş Konfransının prezidenti, Macarıstanın BMT və UNESCO yanında keçmiş səfiri Katalin Boqyay XIII Qlobal Bakı Forumu çərçivəsində SİA-ya açıqlamasında səsləndirib.
Katalin Boqyay bildirib ki, forum müxtəlif baxışların müzakirə olunduğu əhəmiyyətli dialoq platformasıdır: “Burada biz biliklərimizi, baxışlarımızı və fikirlərimizi bölüşə bilirik. Bu, həqiqi dialoq üçün çox gözəl bir məkandır. Dialoq o demək deyil ki, biri danışır, digəri isə sadəcə dinləyir. Dialoq insanların bir-birini inandıra bildiyi, hətta bəzən öz mövqelərini dəyişməyə hazır olduğu bir prosesdir”.
O qeyd edib ki, müasir dövrdə dialoq həm siyasətdə, həm də gündəlik həyatda xüsusi əhəmiyyət daşıyır: “Bu prosesdə qadınların rolu da çox önəmlidir. Ona görə də burada olduğuma görə çox şadam”.
Sonrakı hadisələr barədə daha çox məlumat almaq üçün ain.az saytını izləyin.
