Polşada Ceffri Epşteynin idarə etdiyi ehtimal olunan insan alveri şəbəkəsinin Polşa ilə əlaqələri ilə bağlı araşdırma başlanıb. Polşa Milli Prokurorluğunun yazılı açıqlamasına görə, Polşa prokurorları ABŞ Ədliyyə Nazirliyi tərəfindən paylaşılan Epşteynlə bağlı sənədləri nəzərdən keçiriblər.
Araşdırılan sənədlərə əsasən, 10 mart tarixində 2009-cu ildən 2019-cu ilin avqust ayına qədər Polşada və digər ölkələrdə törədilmiş insan alveri cinayətləri ilə bağlı şübhələr üzrə araşdırma başlanılıb.
Polşa prokurorları hesab edirlər ki, bir neçə şəxsiyyəti müəyyən edilməmiş yetkin və yetkinlik yaşına çatmayan qadın saxta bəhanələrlə xaricdə işlərə cəlb edilib, daha sonra ölkədən çıxarılıb cinsi istismar üçün başqalarına təhvil verilib.

İstintaqın başlanması hərtərəfli sübut toplama prosesinə imkan verəcək və ilk addım olaraq iki Avropa ölkəsindən məlumat və sübutlar tələb olunacaq.

Epşteynin sənədlərindəki elektron poçtları araşdıran Polşanın ictimai yayımçısı TVP World-ə görə, sənədlər Epşteynlə əlaqəli şəxslərin paytaxt Varşavadan potensial qurbanlar üçün mərkəz kimi istifadə etdiyini göstərir.

Epşteyn qurbanlarının vəkilləri tərəfindən "Epşteyn üçün qız və ya qadın tapan gözətçi" kimi təsvir edilən Daniel Siad, elektron poçtlarda 2009-cu ildə Polşadakı kiçik kəndlərə və regiondakı digər ölkələrə "qadınlar axtararaq" səyahət etdiyini yazdığı bildirilir.

Sənədlərdə həmçinin Epşteynlə illərlə sıx əməkdaşlıq edən iki polyakdan da bəhs olunur.

Polşada Ceffri Epşteynlə bağlı sənədlərin son hissəsinin açıqlanmasından sonra, 23 fevralda yetkinlik yaşına çatmayanların cinsi istismar üçün necə cəlb edildiyini araşdırmaq üçün bir qrup yaradılıb.

aia.az
Tərcümə şöbəsi

• Araşdırma
• Polşa
• Insan Alveri
• Epşteyn