İran Parlamentinin Milli Təhlükəsizlik Şurasının sədri İbrahim Əzizi İran ilə ABŞ və İsrail arasında yaşanan qarşıdurmalarda atəşkəs elan etməyəcəklərini bildirib.
AFN.az xəbər verir ki, paytaxt Tehrandakı İmam Xomeyni Böyük Müsəlla məscidində qılınan cümə namazından sonra ABŞ və İsrail əleyhinə keçirilən nümayişlər zamanı çıxış edən Əzizi ölkədəki bütün rəsmilərin Əli Xameneyinin yolunu izləməli və sahədə xalqla iç-içə olmalı olduğunu qeyd edib.
O, heç bir şərt altında atəşkəs və ya danışıqlar elan etməyəcəklərini vurğulayaraq, İrana qarşı yönələn ABŞ və İsrail hücumlarının mütləq cəzalandırılmalı olduğunu deyib.
ABŞ Prezidenti Donald Tramp da bu gün verdiyi bəyanatda İranın yalnız şərtsiz təslimiyyətini qəbul edəcəklərini bəyan edib. Bu qarşılıqlı sərt bəyanatlar regionda gərginliyin daha da kəskinləşəcəyindən xəbər verir.
