AFFA-dan İkinci Liqa klublarına 560 manatlıq cərimə – ARENA.AZ

Bu gün AFFA İntizam Komitəsinin növbəti iclası keçirilib, İkinci Liqanın 16-cı turunun oyunları bağlı bəzi qərarlar qəbul edilib.

Arena.az AFFA-nın rəsmi saytına istinadən həmin qərarların siyahısını təqdim edir:

İkinci Liqa, 16-cı tur

“Xankəndi” – “Araz Saatlı” oyununda “Araz Saatlı”da 5 nəfər sarı vərəqə aldığı üçün Saatlı komandası 70 manat cərimə edilib.

“Ağstafa Gəncləri” – “Göygöl” oyununda təşkilati-texniki öhdəliklər pozulduğuna görə Ağstafa komandası 100 manat cərimə edilib. Oyunun 90+2-ci dəqiqəsində “Göygöl”ün futbolçusu Ruslan Süleymanov ikinci sarıdan qırmızı vərəqə aldığı üçün 1 oyunluq cəza alıb. “Göygöl” buna görə 50 manat cərimə edilib.

“Şəki” – “Ağdaş” oyununda xərəkdaşıyanlar olmadığına görə Şəki komandası 200 manat cərimə edilib.

“Dinamo” – “Şirvan” oyununda “Dinamo”nun 4 futbolçusu sarı vərəqə aldığı üçün sözügedən komanda 70 manat cərimə edilib. “Şirvan”ın da 4 futbolçusu sarı vərəqə vərəqə aldığı üçün komanda 70 manat cərimə ödəyəcək.