“Real”ın yarımmüdafiəçisi Cud Bellingem klubun tibbi heyətindən narazıdır və tibbi yardım üçün London həkimlərinə müraciət edib.
Msport.az xəbər verir ki, bu qərar hücumçu Kilian Mbappenin klubun diaqnozundan narazılığından sonra verilib və bu, klubun daxili problemlərini ortaya çıxarıb.
Bellingem zədəsi ilə bağlı ikinci rəy almaq üçün Böyük Britaniyaya səfər edib. Oyunçu sağalmasının gecikdiyini düşünür və buna görə də mütəxəssislə məsləhətləşmək qərarına gəlib. Madrid klubunun tibbi xidmətlər rəhbəri Niko Mihiç onu Londona müşayiət edir. Lakin onun ikinci rəy istəməsi “Real”ın tibb şöbəsində sistemli problemlərə işarə edir.
Futbolçu 1 fevralda “Rayo Valyekano” ilə matçda bud əzələsindən zədə alıb və oyunun 10-cu dəqiqəsində meydanı tərk etmək məcburiyyətində qalıb.
