Efir qadağası qoyulduğu iddia edilən Əli Mirəliyev: “Mən oxuyan deyiləm, aparıcıyam” - ÖZƏL

Müğənni Əli Mirəliyev adının efir qadağası qoyulduğu iddia olunan ifaçılar sırasında yer almasından danışıb.

Bu barədə sənətçi Bizim.Media-ya açıqlama verib. Ə. Mirəliyev uzun müddətdir aparıcılıq etdiyini bildirib:

“Siyahıda mənim adım var hə? Qalmaqallı, əyri, ara mahnıları oxuyan Əli Mirəliyev mənəm deyəsən? Ağır cinayət törətmişəm, ara mahnıları oxumuşam axı. Mən oxuyan deyiləm, aparıcıyam. Kanal S-də aparıcı işləyirəm, artıq 10 il olacaq. Əvvəl ARB-də idim, sonra Kanal S-ə keçdim. Hər gün səhər bir saat efirdə oluram. Bir nəfər ortaya söz atıb, aləm dəyib bir-birinə, hamı mənə zəng edir. Artıq cavab verməkdən yorulmuşam”.

Qeyd edək ki, Manset.az saytı bir sıra müğənnilərin adının yer aldığı siyahı təqdim edərək onlara efir qadağası qoyulduğunu iddia edib.

Sara, Bizim.Media

• Müğənni
• Mahnı
• Bizim.media
• Aparıcı
• Qalmaqal
• Efir Qadağası