Fransa Liqa 1-in 2025/2026 mövsümünün 24-cü turunda "Marsel" "Lion"u qəbul edib.
90deqiqe.Az-ın məlumatına görə, “Stade Velodrome” stadionunda keçirilən qarşılaşmanı baş hakim Jerom Brizar idarə edib. Beş qolun vurulduğu oyunda meydan sahibləri 3:2 hesablı qələbə qazanıblar.
Hesabı 3-cü dəqiqədə qonaqların yarımmüdafiəçisi Korentin Tolisso açıb. Epizodda məhsuldar ötürmə Endrikin aktivinə yazılıb. 53-cü dəqiqədə İqor Payşao tarazlığı bərpa edib. 76-cı dəqiqədə Remi İmber Endrikin ötürməsindən sonra “Lion”u yenidən önə çıxarıb.
81-ci dəqiqədə Pyer-Emerik Obameyanq hesabı bərabərləşdirib. Hücumçu 90+1-ci dəqiqədə dubla imza ataraq “Marsel”ə vacib qələbə qazandırıb – 3:2.
24 turdan sonra “Lion” 45 xalla üçüncü pillədə qərarlaşıb. “Marsel” isə 43 xalla dördüncü sıradadır.
Növbəti turda “Lion” martın 8-də doğma meydanda “Paris”lə qarşılaşacaq. “Marsel” isə bir gün əvvəl səfərdə "Tuluza"nın qonağı olacaq.
