Türkiyə İran ərazisinə endirilən zərbələrə dəstək verməyib.
Publika.az xəbər verir ki, bu barədə "Anadolu" agentliyi Türkiyə Prezidenti Rəcəb Tayyib Ərdoğan administrasiyasının Kommunikasiya İdarəsinin Dezinformasiya ilə Mübarizə Mərkəzinin bəyanatına istinadla məlumat yayıb.
"Bəzi sosial şəbəkələrdə Türkiyənin İrana qarşı son hücumlara dəstək verməsi ilə bağlı yayılan iddialar tamamilə əsassızdır və ictimaiyyəti çaşdırmağa yönəlmiş dezinformasiyadır", - deyə qurumun məlumatında bildirilir.
Dezinformasiya ilə Mübarizə Mərkəzi əlavə edib ki, Türkiyə özünün hava, quru və dəniz qüvvələrinin iştirak etmədiyi münaqişədə əməliyyat məqsədləri üçün istifadəsinə icazə verməyəcək.
