ÇL: “Qalatasaray” “Liverpul”a rəqib oldu – ARENA.AZ

Bu gün futbol üzrə UEFA Çempionlar Liqasında (ÇL) 2025/2026-cı illər mövsümünün 1/8 final mərhələsinin püşkü atılıb.

Arena.az xəbər verir ki, tədbir UEFA-nın İsveçrənin Nyon şəhərindəki mənzil-qərargahında baş tutub.

Qeyd edək ki, bu raundda ÇL-in Liqa mərhələsini ilk “8-lik”də başa vurmuş komandalar və pley-offun qalibləri mübarizə aparacaqlar. Türkiyə çempionu “Qalatasaray” 1/4 finala vəsiqə uğrunda İngiltərə nəhəngi “Liverpul”la üz-üzə gələcək.

UEFA Çempionlar Liqasında 1/8 final mərhələsinin ilk oyunları martın 10-11-də, cavab qarşılaşmaları isə 17-18-də keçiriləcək.

UEFA Çempionlar Liqası
1/8 final mərhələsi

PSJ (Fransa) – Çelsi (İngiltərə)
Real (İspaniya) – Mançester Siti (İngiltərə)
Nyukasl (İngiltərə) – Barselona (İspaniya)
Bodo Qlimt (Norveç) – Sportinq (Portuqaliya)
Qalatasaray (Türkiyə) – Liverpul (İngiltərə)
Atalanta (İtaliya) – Bayern (Almaniya)
Atletiko (İspaniya) – Tottenhem (İngiltərə)
Bayer (Almaniya) – Arsenal (İngiltərə)