Bu gün Azərbaycan Milli Elmlər Akademiyası (AMEA) Rəyasət Heyətinin iclasında bir sıra akademik və professorların yatan fotoları yayılıb.
Həmin fotolardakı alimlərdən biri də AMEA-nın müxbir üzvü, ədəbiyyatşünas, filologiya elmləri doktoru Tehran Əlişanoğludur.
Heftelik.az xəbər verir ki, Tehran Əlişanoğlu Lent.az-a açıqlamasında bildirib ki, alim haqqında fikirlər onun əsərlərindən yaranır, hansısa iclasdan yox:
“Niyə belə hallarda müəllim yada düşür. Akademiya ilə bağlı suallar verin, cavablandırım. Şəkli kim çəkib, nəyə görə çəkib, nə məqsədlə çəkib, deyə bilmərəm, onun öz işidir. Mən də o epizodda düşmüşəmsə, lap yaxşı. Alim haqqında fikirlər onun əsərlərindən yaranır, hansısa iclasdan yox. Şəkilləri görəndən sonra mənim obrazım haqqında fikirləriniz dəyişə bilər? Başqa sözüm də yoxdur. Altında yazarsınız ki, şərhsiz”.
