ABŞ-nin Müdafiə Naziri Pit Heqset “Anthropic”-in baş direktoruna şirkətin süni intellekt texnologiyasını məhdudiyyətsiz hərbi məqsədlərlə açmaq, yaxud hökumət müqaviləsini itirmək riski ilə üzləşmək üçün son tarix verib.
“Cebheinfo.az” xəbər verir ki, bu barədə “Associated Press” məlumat yayıb. Qeyd edək ki, Pit Heqset fevralın 24-də “Anthropic” şirkətinin direktoru Dario Amodeyi qəbul edib. “Anthropic” “Claude” adlı çat-bot istehsal edir və öz texnologiyalarını ABŞ Silahlı Qüvvələrinin yeni daxili şəbəkəsinə təqdim etməyən sonuncu şirkətlərdən biri olaraq qalır. Pentaqon rəsmiləri müqaviləni ləğv etməklə yanaşı, orduya öz məhsullarından istifadə etmək üçün daha çox səlahiyyət verməsələr “Anthropic” şirkətini təchizat zənciri riski kimi təyin edə biləcəkləri və ya “Müdafiə İstehsalı Qanunu”nu tətbiq edəcəkləri barədə xəbərdar ediblər.
