Məlumata görə, Yaponiyanın ticarət naziri Akazava Ryosei ABŞ prezidenti Donald Trampın idxal tariflərini 15 faizə qaldıracağını elan etməsindən sonra ölkəsinin ötən ilki ticarət müqaviləsi çərçivəsində hüquqlarının qorunmasını tələb edib.
Kyodo xəbər agentliyinin məlumatına görə, Akazava dünən ABŞ-ın ticarət katibi Hovard Lutniklə telefonla danışıb. Akazava ABŞ-lı həmkarı Lutnikdən ötən ilki ticarət müqaviləsi çərçivəsində ölkəsinin hüquqlarını qorumasını istədi.

ABŞ ilə ticarət müqaviləsinin təmin edilməsində əsas rol oynayan Yaponiyanın ən yüksək gömrük danışıqçısı Akazava da Tokioda keçirilən mətbuat konfransında yeni tariflərin bəzi məhsullara əlavə yük yarada biləcəyini qeyd etdi.

Akazava qeyd etdi ki, onlar 2025-ci il ticarət müqaviləsinin hələ tam yerinə yetirilməmiş bəndlərini, məsələn, 500 milyard dollarlıq investisiya və Yaponiyanın bazarını avtomobillər, yük maşınları, düyü və digər kənd təsərrüfatı məhsulları da daxil olmaqla Amerika məhsullarına açması kimi maddələrini "səmimi və tez" həyata keçirmək üçün qarşılıqlı öhdəlik götürüblər.

Keçən ilki Yaponiya ilə ticarət müqaviləsinə əsasən, ABŞ Tokiodan 550 milyard dollarlıq investisiya paketi müqabilində Yaponiya mallarına tarifləri azaltmağa razılaşdı.

ABŞ prezidenti Donald Tramp Yaponiyanın ABŞ mallarına 15 faiz tarif ödəyəcəyini bildirmişdi.

aia.az
Tərcümə şöbəsi

• Yaponiya
• Hüquq
• Tələb