MLS-in müntəzəm mövsümünün 1-ci turunun "Los-Anceles" və "İnter Mayami" klubları arasındakı oyunu baş tutub.
Moderator.az xəbər verir ki, meydan sahibləri görüşdə 3:0 hesabı ilə qalib gəliblər.
Qaliblərin heyətində qolları David Martines, Deni Buanqa və Natan Ordas vurublar. Son Hın Min öz hesabına məhsuldar ötürmə yazdırıb.
Qonaqların start heyətində Lionel Messi və Rodriqo De Paul yer alıblar. Hər iki futbolçu bütün oyunu meydanda keçirib, lakin məhsuldar hərəkətlərlə yadda qalmayıblar. Luis Suares isə meydana ehtiyat oyunçular skamyasından daxil olub.
