Cebheinfo saytından verilən məlumata əsasən, ain.az məlumatı açıqlayır.
Müasir dövrdə bir çox insan günün böyük hissəsini ofisdə, kompüter qarşısında keçirir.
Bu həyat tərzi ilk baxışda rahat görünə bilər, lakin uzun müddət hərəkətsiz qalmaq onurğa üçün ciddi problemlərə yol aça bilər. Onurğa bədənimizin dayağıdır və onun sağlam qalması ümumi rifahımız üçün vacibdir.
"Cebheinfo.az" xəbər verir ki, araşdırmalara əsasən davamlı oturuş əzələlərin zəifləməsinə, qan dövranının pozulmasına, bel və boyun ağrılarının yaranmasına səbəb olur.
Düzgün oturuş qaydalarına əməl edilmədikdə isə qamət pozğunluğu və hətta fəqərəarası disk yırtığı kimi ciddi fəsadlar inkişaf edə bilər. Nəticədə həm iş məhsuldarlığı azalır, həm də gündəlik həyat keyfiyyəti düşür.
Ofis işçiləri onurğa sağlamlığını qorumaq üçün gündəlik iş rejimində sadə dəyişikliklər edə bilərlər. İş masası və oturacağın düzgün seçilməsi çox önəmlidir.
Oturacaq bel nahiyəsini dəstəkləməli, ayaqlar isə tam şəkildə yerə dayandırılmalıdır. Kompüter monitorunun göz səviyyəsində olması boyun ağrılarının qarşısını alır.
Uzun müddət fasiləsiz oturmaq əzələlərin zəifləməsinə səbəb olur. Buna görə hər saat bir neçə dəqiqə qalxıb gəzinti etmək, sadə dartınma hərəkətləri etmək faydalıdır.
Məsələn, çiyinləri yuxarı-qaldırıb endirmək, boyunu yavaş-yavaş sağa-sola çevirmək və bel əzələlərini dartmaq gərginliyi azaldır.
Fiziki aktivlik ofis işçilərinin sağlam qalmasının ən yaxşı yollarından biridir. Həftədə bir neçə dəfə idmanla məşğul olmaq, sürətli gəzinti, üzgüçülük və ya velosiped sürmək əzələləri gücləndirir və onurğaya dəstək olur. Sadə qaydalara riayət etmək həm sağlamlığı qoruyur, həm də iş performansını artırır.
Gülər
"Cebheinfo.az"
Problemlərinizi bizə yazın, şahidi olduğunuz hadisələri çəkib göndərin
Ən son yeniliklər və məlumatlar üçün ain.az saytını izləyin, biz hadisənin gedişatını izləyirik və ən aktual məlumatları təqdim edirik.
