"Çin "iki dövlət üçün iki xalq" prinsipini dəstəkləyir", deyə Çin Xarici İşlər Nazirliyi qeyd edib. Çin Qəzza məsələsinin uzunmüddətli həlli üçün digər ölkələrlə fəal şəkildə çalışacaq. Çin Xarici İşlər Nazirliyi Amerika Sülh Şurası ilə bağlı mövqeyinin artıq açıqlandığını açıqlayıb. "Qəzza ilə bağlı Çin əvvəlki kimi, aparıcı güc kimi məsuliyyətli rolunu oynayacaq və beynəlxalq ictimaiyyətlə birlikdə yaxın gələcəkdə Fələstin məsələsinin hərtərəfli, ədalətli və davamlı həllinə nail olmaq üçün yorulmaz səylər göstərəcək", - deyə Çin Nazirliyi TASS-ın PekininYaxın Şərq anklavı məsələsinin Rusiya ilə birgə həlli perspektivləri və ABŞ tərəfindən yaradılmış Sülh Şurası ilə bağlı mövqeyi barədə sualına cavab olaraq şərh verib. Bəyanatda Çinin "iki xalq üçün iki dövlət" prinsipini dəstəklədiyi aydınlaşdırılır. Həmçinin Qəzzada münaqişədən sonrakı nizamlanmanın BMT Təhlükəsizlik Şurasının müvafiq qətnamələri çərçivəsində həyata keçirilməli olduğu vurğulanır. Çin Xarici İşlər Nazirliyi bildirib ki, ""Fələstinlilər Fələstini idarə edir" prinsipi qəti şəkildə qorunmalı və Qəzza ilə bağlı əlavə tədbirlər Fələstin xalqının öz istəklərinə hörmətlə həyata keçirilməlidir. Qeyd edək ki, Çin Xarici İşlər Nazirliyinin rəsmisi Quo Ciakun yanvarın 20-də jurnalistlər üçün keçirdiyi brifinqdə bildirib ki, Çin Qəzza Sülh Şurasına üzv olmaq üçün ABŞ-dan dəvət alıb. İradə SARIYEVA

• Qəzza
• Yardım
• Xarici İşlər Nazirliyi