Birinci Qarabağ müharibəsi zamanı 1992-ci ildə Ağdərə rayonu istiqamətində gedən döyüşlərdə itkin düşmüş Mahir Quliyevin nəşinin qalıqları Cəlilabad rayonunda torpağa tapşırılıb.
Bizim.Media xəbər verir ki, vida və dəfn mərasimlərində rayon rəhbərliyi, hüquq-mühafizə orqanlarının əməkdaşları, hərbçilər və ictimaiyyət nümayəndələri iştirak ediblər.
Şəhid yaylım atəşi altında dəfn olunub, Dövlət Himni səsləndirilib və Azərbaycan Bayrağı ailəsinə təqdim edilib.
Qeyd edək ki, Mahir Abuzər oğlu Quliyev 1958-ci il oktyabrın 31-də Cəlilabad şəhərində anadan olub.
O, 1992-ci il iyunun 15-də Ağdərə rayonunun Sırxavənd kəndi istiqamətində gedən döyüşlər zamanı itkin düşmüşdü.
Sabutay, Bizim.Media, Cənub bürosu
- Gecə Modu
- Ana səhifə
- Statistika
- Mənbələr
- Reytinq
- Hava
- Valyuta
