“Bakı Metropliteni” QSC Yaşıl xəttinin “Memar Əcəmi” stansiyasının ikinci vestibülünün keçidində aparılan təmir işlərini başa çatdırıb.
Bu barədə KONKRET.az-a səhmdar cəmiyyətindən bildirilib.
Məlumata əsasən, müvəqqəti olaraq bağlanan 4-cü çıxış təkrar sərnişinlərin istifadəsinə verilib. Görülən işlər çərçivəsində keçid hissəsi yenilənib, infrastruktur daha təhlükəsiz və funksional hala gətirilib, sərnişin axınının rahat tənzimlənməsi üçün şərait yaxşılaşdırılıb.
Təmir işlərinə bu il yanvarın 6-da başlanılmışdı.
