Qəhvə hipertoniya xəstələrini aterosklerozdan qorunmaq üçün faydalıdır.
Medicina.az xəbər verir ki, Yapon tədqiqatçıları qəhvə içən hipertoniyalı insanların damar sağlamlığının qəhvə içməyənlərə nisbətən daha yaxşı olduğu qənaətinə gəliblər.
Xirosimada Takayuki Yamajinin rəhbərlik etdiyi tədqiqatçılar qrupu qəhvənin hipertoniyalı insanların damar sisteminə təsirini təhlil edib.
Alimlər 462 hipertoniyalı xəstədən götürülmüş nümunələrdən istifadə edərək gündəlik qəhvə içməklə damar funksiyası arasındakı əlaqəni araşdırıblar. Bütün xəstələr 2016-2021-ci illər arasında tibbi müayinələrdən keçiblər. Tədqiqat iştirakçılarının orta yaşı 65 olub.
Könüllülər gündəlik qidalanmalarında qəhvə içib-içməmələrinə görə qruplara bölünüblər. Qəhvə qrupunda orta qəhvə istehlakı gündə iki fincan olub.
Əlavə tədqiqatlar göstərib ki, müntəzəm olaraq qəhvə içən hipertoniyalı insanların damar sağlamlığı parametrləri daha yaxşı olub - qan damarları içməyənlərə nisbətən daha yaxşı vəziyyətdə olub.
Beləliklə, qəhvə hipertonik xəstələri ateroskleroza səbəb olan damar patologiyalarından daha effektiv şəkildə qoruyur.
Bu vəziyyət infarkt və ya insultdan xəbər verir. Ateroskleroz zamanı damar toxuması xolesterol və kalsium lövhələri ilə örtülür, sərtləşir və qan təzyiqi altında yırtılmaya meylli olur.
"Gündə 0,5-2,5 stəkan (təxminən 100-500 millilitr) qəhvə içənlərdə endotel disfunksiyası və damar hamar əzələ disfunksiyasının inkişaf riski xeyli aşağı idi".
Tədqiqat müəllifləri bildiriblər ki, "Qəhvədən imtina edən iştirakçılarla müqayisədə qəhvə içənlərdə endotel disfunksiyasının inkişaf riski 45%, damarların hamar əzələ disfunksiyasının isə 50% daha aşağı idi".
Aygün Musayeva
