ABŞ Ədliyyə Nazirliyinin yayımladığı sənədlərdə İsrailin baş naziri Benyamin Netanyahunun Ceffri Epşteynlə birlikdə çəkilmiş fotosu üzə çıxıb.
Publika.az xəbər verir ki, Ceykob Frenkelin 9 avqust 2014-cü ildə Ces Steyliyə göndərdiyi elektron poçtda Netanyahu olduğu iddia edilən foto tapılıb.
E-poçtda "Mən bu fotonu Netanyahu ilə görüşdən tapdım" sözləri yazılıb.
Məlumata görə, Netanyahunun adına sənədlərdə 6 mindən çox yerdə rast gəlindiyi iddia edilib. İddialar arasında Epşteynin İsrail agenti olması və əlindəki sənədlərdən İsrailin lehinə şantaj etmək üçün istifadə etməsi də var.
