Oxumeni.az portalından verilən məlumata görə, ain.az xəbər yayır.
WhatsApp Rusiyanın messenceri tamamilə bloklamağa cəhd etdiyini bildirib
WhatsApp, Rusiya hakimiyyətinin messenceri tamamilə bloklamağa cəhd etdiyini bildirib və rus dilində bəyanatını sosial şəbəkələrində dərc edib. Bu barədə Oxuməni.az xəbər verir.
"Bu gün Rusiya hakimiyyəti insanları dövlətə məxsus, nəzarətdən qorunmayan tətbiqə keçməyə məcbur etmək məqsədilə WhatsApp-ı tamamilə bloklamağa cəhd etdi. 100 milyondan çox istifadəçini şəxsi və təhlükəsiz ünsiyyət hüququ olmadan təcrid etmək cəhdi bir geriləmədir və yalnız Rusiyada insanların təhlükəsizliyinin azalmasına səbəb ola bilər. İstifadəçilərin əlaqədə qalması üçün əlimizdən gələni etməyə davam edirik," - deyə WhatsApp-ın bəyanatında bildirilir.
Öncəki gün WhatsApp, YouTube domenlərinin, eləcə də Rusiyada fəaliyyət göstərən bir neçə müstəqil KİV-in domenlərinin Milli Domen Adları Sisteminin qeydlərindən çıxarıldığı barədə xəbərlər yayılmışdı ki, bu da faktiki olaraq tam bloklanma deməkdir.
"WhatsApp bizə qayıdacaqmı?" sualına cavab verən Dmitri Peskov, "bu qanunvericiliyə əməl etməkdən asılıdır" dedi. Əgər messenceri idarə edən Meta korporasiyası "Rusiya hakimiyyəti ilə dialoqa girərsə", o zaman "razılığa gəlmək imkanı yaranacaq". "Əgər korporasiya eyni kompromissiz mövqedə qalarsa və, mən desəm ki, Rusiya qanunvericiliyinə uyğunlaşmaqda tam hazırlıqsızlığını göstərərsə, o zaman heç bir şans yoxdur," - Peskov TASS-ın "Nyum" layihəsinə verdiyi müsahibədə bildirib.
Almaz Həsənli
Daha ətraflı məlumat və yeniliklər üçün ain.az saytını izləyin.
