ABŞ Hərbi Hava Qüvvələrinin ən azı 20 hərbi nəqliyyat təyyarəsi ABŞ vitse-prezidenti Vensin səfərindən əvvəl Ermənistan və Azərbaycana gedib.
“Cebheinfo.az” xəbər verir ki, bunu “Sputnik Armenia” yazıb.
ABŞ vitse-prezidenti J.D. Vens 9-10 fevral tarixlərində Ermənistana rəsmi səfər edəcək. O, İrəvandan Bakıya gələcək.
Məlumata görə, təyyarələrin əksəriyyəti 4-8 fevral tarixləri arasında İrəvan və Bakıya gəlib: “Xüsusilə, monitorinqimiz göstərib ki, Ermənistana 12 hərbi nəqliyyat təyyarəsi gəlib. Daha doqquz təyyarə Azərbaycana yola düşüb.
Təyyarələr əsasən ABŞ-dəki bazalardan Almaniyadakı Ramşteyn Hava Bazasında yanacaq dolduraraq gəlib. Demək olar ki, bütün uçuşlar 77,5 tona qədər faydalı yük tutumuna malik ağır hərbi nəqliyyat təyyarəsi olan “Boeing C-17A Globemaster III” tərəfindən həyata keçirilib.
Bundan əlavə, ABŞ Hərbi Hava Qüvvələrinin xüsusi əməliyyat qüvvələri üçün ixtisaslaşmış hərbi nəqliyyat təyyarəsi olan “Lockheed Martin MC-130J Commando II” İrəvan və Bakıya uçub. Onlar həmçinin Gürcüstana iki uçuş həyata keçiriblər.
Vens özü Olimpiya Oyunlarına 14 təyyarədən ibarət donanmanın tərkibində İtaliyaya getmişdi. Lakin Ermənistan və Azərbaycana səfərindən əvvəl ABŞ hərbi nəqliyyat təyyarələrinin fəaliyyəti də İran ətrafındakı gərginlik və sərhədləri yaxınlığında qüvvələrin toplanması kontekstində müzakirə mövzusuna çevrilib.
