"Football-plus.az" xəbər verir ki, PSJ səfərdə “Strasbur”u çətinliklə məğlub etdi. Meydan sahiblərinin heyətində Paniçelli 20-ci dəqiqədə penaltini boşa verməsəydi, bəlkə də nəticə fərqli ola bilərdi. Yeri gəlmişkən, Hakiminin 75-ci dəqiqədə meydandan qovulması üzündən PSJ oyunu azlıqda başa vurdu. Liderin ən yaxın izləyicisi “Lans” evdə “Havr”ı yeganə qolla məğlub etdi. “Marsel”lə “Lion” hərəyə 39 xalla 3-cü yerə şərikdi. Cənublular “Paris”lə səfər oyununda 2:0 önə çıxsalar da, uzatma dəqiqələrində qələbəni əldən verdilər. “Şirlər” isə bütün turnirlərdəki ardıcıl 10-cu qələbəsini “Lill” üzərində qazandı.
“Monako” evdə “Renn”i darmadağın etməklə turnir vəziyyətini bir qədər yaxşılaşdırdı.
Turun qalan oyunlarına gəlincə, “Loryan” evdə “Nant”a, “Anje” “Mets”ə qalib gəldi. “Nitsa” – “Brest” oyununda qalib müəyyənləşmədi: komandalar hərəyə iki qol vurdu. Oyunun gedişində meydan sahibləri 0:2 geri düşmüşdü. “Tuluza” – “Oser” oyununda qapılara qol vurulmadı.
20-ci tur
Strasbur – PSJ 1:2
Due, 27 – Mayulu, 22. Mendeş, 81. (31324)
PSJ: Safonov, Hakimi, Markinyos, Paço, Mendeş, Zair-Emeri, Vitinya, Neveş, Mayulu (Dembele, 59), Mbaye (Due, 46), Barkolya (Li Kan İn, 60).
Paris – Marsel 2:2
İkone, 82. Kebbal, 90+4-p. – Qrinvud, 18-p. Obameyanq, 53. (19209)
Marsel: Rulyi, Balerdi, Agerd, Medina, Vea (Murilyo, 80), Höybyerq, Timber (Nadir, 79), Payşao (Vermeren, 79), Qrinvud, Nvaneri (Traore, 67), Obameyanq (Quiri, 67).
Monako – Renn 4:0
Fati, 33. Akliuş, 50. Kulibali, 60. İdumbo, 89. (6000)
Monako: Kön, Teze, Kulibali, Kerer, Uattara, Zakariya (Bamba, 81), Kamara, Dyatta (Vanderson, 72), Qolovin (İdumbo, 81), Fati (Akliuş, 46), Baloqan (Biret, 56).
Lans – Havr 1:0
Agilar, 45+1. (38158)
Loryan – Nant 2:1
Dyenq, 32. Kuassi, 89 – Ablin, 74. (14237)
Lion – Lill 1:0
Narti, 37. (56150)
Anje – Mets 1:0
Muton, 25. (10367)
Nitsa – Brest 2:2
Abdi, 63. Vai, 71 – Del Kastilyo, 15-p. Dumbiya, 23. (18757)
Tuluza – Oser 0:0
(23721)
1. PSJ 20 15 3 2 43-16 48
2. Lans 20 15 1 4 34-16 46
3. Marsel 20 12 3 5 46-22 39
4. Lion 20 12 3 5 33-20 39
5. Lill 20 10 2 8 34-30 32
6. Renn 20 8 7 5 30-31 31
7. Strasbur 20 9 3 8 33-25 30
8. Tuluza 20 8 6 6 31-23 30
9. Loryan 20 7 7 6 27-31 28
10. Monako 20 8 3 9 32-33 27
11. Anje 20 7 5 8 21-25 26
12. Brest 20 6 5 9 26-33 23
13. Nitsa 20 6 4 10 27-38 22
14. Paris 20 5 6 9 26-34 21
15. Havr 20 4 8 8 16-25 20
16. Nant 20 3 5 12 19-36 14
17. Oser 20 3 4 13 14-29 13
18. Mets 20 3 3 14 21-46 12
Bombardirlər: Qrinvud (Marsel) – 13, Paniçelli (Strasbur) - 11, Lepol (Renn) – 9.
Növbəti turun oyunları fevralın 6-8-i aralığında keçiriləcək: Anje – Tuluza, Brest – Loryan, Havr – Strasbur, Lans – Renn, Mets – Lill, Nant – Lion, Nitsa – Monako, Oser – Paris, PSJ – Marsel.
Turun rəqəmi
60 – PSJ-nin çempionatda qırmızı vərəqə görmədiyi oyunlar seriyası bu həddə dayandı. Bu seriyanın əsası 2024-cü ilin martında – Lukas Beraldo “Marsel”lə oyunda meydandan qovulandan sonra qoyulmuşdu. 60 qırçızı vərəqəsiz oyun elitada 2-ci belə seriyadı. “Oser” 2010un martından 2011-in dekabrına qədər 65 oyunda “qırmızı” ilə cəzalanmayıb.
Turun ulduzu
Matvey Safonov (PSJ) – oyunsonrası penalti seriyası da nəzərə alınmaqla cari mövsümdə qapısına təyin olunan 7 belə zərbədən 5-ni dəf edib. “Böyük beşlik” ölkələrində heç bir qapıçı belə nəticə ilə öyünə bilməz.
Turun sitatı
Luis Enrike, PSJ-nin baş məşqçisi:
“Karyeram boyunca penalti zərbələrini qaytarmaq bacarığına malik olan qapıçılar görmüşəm. Matvey bu planda ən yaxşısıdı, oyunçunun qapının hansı tərəfinə zərbə vuracağını öncədən müəyyənləşdirə bilir. Bu, çox vacib keyfiyyətdi”.
