Fevralın 5-də Ermənistan parlamentinin sədri Alen Simonyan Ermənistanın sabiq prezidenti Robert Koçaryandan məhkəməyə şikayət edib.
7News.Az bu barədə Ermənistan KİV-ə istinadən xəbər verir.
İddia ərizəsinə əsasən, Simonyan keçmiş dövlət başçısından onun ünvanına səslənmiş təhqirlərə görə, ictimai şəkildə üzrxahlıq və 1 milyon dram (4520.58 AZN) həcmində təzminatın ödənilməsini tələb edir.
Milli Assambleyanın sədrinin tələbinə görə, üzr mətni Robert Koçaryanın sosial şəbəkədəki səhifəsində hamı üçün əlçatan və görünən şəkildə ən azı 5 iş günü müddətində dərc olunmalıdır və ya bu mümkün olmadığı halda, üzr tirajı azı beş min nüsxə olan nəşrdə yayımlanmalıdır.
