Kiyevdən gələn təhdidlərə cavab olaraq Ukraynanın Macarıstandakı səfiri XİN-ə çağırılıb...
Poliqon xəbər verir ki, Macarıstanın baş naziri Viktor Orban ölkəsinin suverenliyinə və seçki prosesinin bütövlüyünə hər hansı təhdidin qarşısının alınacağını açıqlayıb. Baş nazirin sözlərinə görə, bu təhdidlər Ukrayna tərəfindən Macarıstana və onun hökumətinə yönəldilib.
Orbanın tapşırığı ilə Macarıstanın xarici işlər naziri Peter Siyarto Ukrayna səfirini çağıraraq mövcud vəziyyətlə bağlı izahat verməsini tələb edib. Rəsmi açıqlamalarda qeyd olunub ki, Macarıstan hökuməti ölkənin daxili işlərinə müdaxiləyə və xarici təzyiqlərə qarşı sərt mövqe nümayiş etdirəcək.
Baş nazir vurğulayıb ki, ölkənin suverenliyi və demokratik seçki prosedurları hər zaman qorunacaq, həmçinin bu cür təhdidlər regionda siyasi stabilliyə zərər vura bilməz. İclaslarda və rəsmi görüşlərdə Macarıstanın daxili işlərinə müdaxilə cəhdlərinə qarşı mübarizə mexanizmləri müzakirə olunur.
Poliqon.info
