"Ayaks" "Milan"ın futbolçusu Maksimilian İbrahimoviçi heyətinə qatmaq istəyir.
QOL.az xəbər verir ki, bu barədə insayder Nikolo Şkira məlumat yayıb.
Maksimiliann əfsanəvi isveçli hücumçu Zlatan İbrahimoviçin oğludur. O, "Milan"ın gənclər komandasında - "Milan Futuro"da oynayır.
19 yaşlı futbolçu cari mövsüm Seriya D səviyyəsində 17 oyun keçirib, 5 qol vurub və 4 məhsuldar ötürmə verib.
Maksimilianın çıxışı "Ayaks"ın diqqətini cəlb edib. Bildirilib ki, klublar hazırda satın alma opsiyası ilə icarə müqaviləsi üzrə danışıqlar aparırlar.
