Kapitoli brifinqi Venesuelaya yönəlmişdi, lakin qanunvericilər Amerika prezidentinin aqressiv ritorikasını nəzərə alaraq Trampın Qrenlandiya ilə bağlı niyyətlərindən narahatlıqlarını ifadə etdilər.
Rubio Qrenlandiyanı almaqla nəyi nəzərdə tutduğunu ətraflı izah etməyib.
Çərşənbə axşamı günü altı NATO ölkəsinin liderləri Danimarkanın Baş naziri Mette Frederiksen ilə birlikdə Trampın ABŞ-ın Qrenlandiyanı ələ keçirməli olduğu iddialarını təkzib edən birgə bəyanat yaydılar. Danimarkaya ABŞ-ın müttəfiqləri olan Birləşmiş Krallıq, Fransa, Almaniya, İtaliya, İspaniya və Polşa qoşuldu.
Birgə bəyanatda deyilir: “Arktikada təhlükəsizlik, BMT Nizamnaməsinin prinsiplərinə, o cümlədən suverenlik, ərazi bütövlüyü və sərhədlərin toxunulmazlığına riayət etməklə, ABŞ da daxil olmaqla, NATO müttəfiqləri ilə birgə təmin edilməlidir. Bunlar universal prinsiplərdir və biz onları müdafiə etməyi dayandırmayacağıq”.
Xəbər verildiyi kimi, Ağ Evin mətbuat katibi Kerolin Livitt Trampın ABŞ-ın Qrenlandiyaya müdaxilə ehtimalını istisna etmədiyini bildirib.
