Lent az saytına istinadən ain.az xəbər verir.
Almaniya kosmik missiyalara hazırlıq çərçivəsində 100 gün ərzində tam təcrid olunmuş vəziyyətdə yaşamağa hazır olan könüllülər axtarır. İştirakçılar 23.000 avro ödəniş alacaqlar.
Lent.az-ın xarici mediaya istinadla xəbərinə görə, kosmik səyahətin sərt şərtlərini sınaqdan keçirməyə çalışan Almaniya könüllülər üçün qeyri-adi bir çağırış edib. Elmi təcrübənin bir hissəsi olaraq 100 gün dünyadan tamamilə təcrid olunmuş vəziyyətdə yaşamağa razı olan könüllülərə 23.000 avro ödəniləcək. Layihənin məqsədi insanların uzunmüddətli təcrid vəziyyətinə qarşı müqavimətini ölçməkdir.
Kölndə aparılacaq təcrübənin məqsədi astronavtların Aya və Marsa göndərildikdə qarşılaşacaqları şərtləri sınaqdan keçirməkdir. İştirakçılar kosmik stansiya simulyasiyası daxilində Yerdən tamamilə təcrid olunmuş şəkildə yaşayacaqlar.
Layihədə iştirak edən könüllülər təcrübə boyunca 24 saat nəzarət altında olacaqlar. Təcridin fiziki və psixoloji təsirlərini ekspert qrupları yaxından izləyəcək.
İştirak etmək istəyən namizədlər sağlam olmalı, ingilis dilində sərbəst danışmalı və ən azı bakalavr dərəcəsinə malik olmalıdırlar. Texniki, tibbi və ya oxşar elmi sahələrdə təcrübəsi olan namizədlərə üstünlük veriləcək.
Ən son xəbərləri və yenilikləri almaq üçün ain.az saytını izləyin.
