Ermənistanın Korrupsiyaya Qarşı Mübarizə Komitəsi ölkənin maliyyə nazirinin keçmiş müavini, həmçinin Dövlət Gəlirləri Komitəsinin sabiq sədr müavini Vaxtanq Mirumyanı saxlayıb.
Bizim.Media erməni KİV-lərinə istinadən xəbər verir ki, Mirumyan bu vəzifələri Xocalı qatili Serj Sarkisyanın prezidentliyi dövründə tutub.
Erməni mediasının məlumatına əsasən, saxlanılan şəxs hazırda “Qazprom Ermənistan” QSC-nin ticarət və xarici əlaqələr üzrə baş direktor müavini vəzifəsində çalışırmış.
Hadisənin detalları və irəli sürülən ittihamlarla bağlı rəsmi qurumlar tərəfindən əlavə açıqlama verilməyib.
Bizim.Media
