UEFA Gənclər Liqasında Azərbaycanı təmsil edən "Qarabağ"ın U-19 komandası bu gün son oyununa çıxıb.
Fanat.Az xəbər verir ki, Rəşad Sadiqovun baş məşqçisi olduğu kollektiv "Ayaks"ın gənclər komandası ilə üz-üzə gəlib.
"Azersun Arena"da keçirilən və hazırda ikinci yarısı oynanılan matçda niderlandlılar təmsilçimizi böyük hesabla yenir.
Qeyd edək ki, "Qarabağ"ın U-19 komandası əvvəlki 5 turdakı oyunlarının hamısında uduzub - "Benfika" 1:7, "Kopenhagen" 0:5, "Atletik Bilbao" 0:3, "Çelsi" 0:6, "Napoli" 0:2. Beş oyunda 1 qol vurub 23-nü buraxan təmsilçimiz Liqa mərhələsində sonuncu - 36-cı pillədə qərarlaşıb. Qonaqlar isə 7 xalla 25-ci yerdədir.
UEFA Gənclər Liqası
Liqa mərhələsi, 6-cı tur
25 noyabr
14:00. "Qarabağ" (Azərbaycan) - "Ayaks" (Niderland) 0:7 (ikinci hissə)
Qollar: Unuvar, 32, 43, 48. Ouazane, 37, 63. Açeamponq, 68, 77.
Hakimlər: Marton Ruş, Qerqo Viq-Tarşoni, Balaj Şalay (hamısı Macarıstan), Cavid Cəlilov (Azərbaycan).
Bakı. "Azersun Arena".
"Qarabağ" meydana bu "11-lik"lə çıxıb: 12. Bilal Hacıyev, 2. Məsud Alışanlı, 3. Amin Rzayev, 8. Əli Qazıbəyov, 7. Əhməd Vəliyev, 10. Hikmət Cəbrayılzadə (k), 13. Rəvan Teymurov, 18. Əliəkbər Rzazadə, 23. Rəşad Alışov, 9. Əli İbrahim, 22. Toheeb Abiodun.
