Çin Sədri Si Cinpin ABŞ Prezidenti Donald Trampla son telefon danışığı zamanı Pekinin Tayvanla bağlı prinsipial mövqeyini ətraflı şəkildə izah edib.
APA xəbər verir ki, bunu Çinin Dövlət Şurasının Tayvan məsələləri üzrə idarəsinin rəsmi nümayəndəsi Pen Tsinen bildirib.
Onun sözlərinə görə, Si Cinpin söhbət zamanı qeyd edib ki, Tayvan məsələsində Çin mövqeyi dəyişməzdir və tərəflər İkinci Dünya müharibəsində əldə olunmuş qələbənin nəticələrini birlikdə qorumağa borcludur.
