Türkiyədə körpü çöküb – Ölənlər var

Türkiyənin Diyarbəkir vilayətində tikilməkdə olan körpü çöküb.

Bizim.Media Türkiyə KİV-ə istinadən xəbər verir ki, dağıntılar altında qalan işçilərin çıxarılması üçün əməliyyata başlanılıb.

Məlumata görə, hadisə zamanı ağır yaralanan dörd işçi xəstəxanaya aparılıb. Xəstəxanaya aparılan və dağıntılar altından çıxarılan işçilərdən 3-ü ölüb, 2-si isə yaralanıb.

Ərazidə axtarış-xilasetmə işləri davam etdirilir.