Almaniya 2-ci Bundesliqasında 12-ci turun oyunları keçirilir.
Fanat.Az xəbər verir ki, Azərbaycan millisinin hücumçusu Mahir Emrelinin komandası “Kayzerslautern” də növbəti matçına çıxıb.
Sözügedən kollektiv doğma meydanda “Herta” ilə qarşılaşıb. Görüş Berlin təmsilçisinin 1:0 hesablı qələbəsi ilə yekunlaşıb. Mahir hesabda geri olduqları vaxt - 63-cü dəqiqədə meydana daxil olub. Bu, sonuncu dəfə avqustda 3-cü turun matçında iştirak edən futbolçumuzun uzun fasilədən sonra keçirdiyi ilk oyun olub.
"Kayzerslautern" hazırda 2-ci Bundesliqada 20 xalla 7-ci yerdədir.
