Dollar noyabrın 3-də son 3 ayın ən yüksək həddinə çatıb. Lakin bir sıra amillər yaxın həftələrdə məzənnənin mümkün zəifləməsinə işarə edir.
Ölkə.Az "Reuters"ə istinadən xəbər verir ki, ABŞ Federal Ehtiyat Sistemi (FED) keçən həftə faiz dərəcələrini 25 bənd endirib, lakin FED sədri Cerom Pouell bunun cari il üçün sonuncu ola biləcəyinə eyham vurub.
Cümə günü bir sıra ABŞ Federal Ehtiyat Banklarının rəhbərləri siyasətin yumşaldılması qərarından narazılıqlarını ifadə ediblər. Treyderlər isə dekabr ayında faiz dərəcəsinin 25 baza bəndi azaldılmasını təxminən 68 faiz ehtimalla mümkün hesab edirlər.
Bu arada avro 0,16% ucuzlaşaraq 1,1513 dollara, son üç ayın ən aşağı səviyyəsinə, sterlinq isə 0,4% ucuzlaşaraq 1,3118 dollara düşüb.
Valyutanı digər altı əsas valyutanın səbətinə nisbətdə ölçən dollar indeksi 0,16% artaraq 99,89-a çatıb ki, bu da avqustun 1-dən bəri ən yüksək göstəricidir.
