ain.az, GlobalInfo portalına istinadən məlumatı açıqlayır.
Amerikalı iş adamı İlon Maskın atası Errol Mask Rusiyaya səfəri zamanı verdiyi açıqlamalarla gündəm yaradıb.
Globalinfo.az xəbər verir ki, o, bu barədə TASS-a müsahibəsində danışıb. Mask bildirib ki, Sovet İttifaqı vaxtilə dünyanı şeytanın caynaqlarından qoparmağı bacarıb.
“Obyektiv olmalısınız. Məncə, haqlıyam. Rusiyadakı həmsöhbətlərim sovet dövrü barədə açıq danışanda çox sevindim. Leninin kürsüsündə əyləşdiyim üçün qürurlandım. Bu, mənim dəli olduğum anlamına gəlmir. Sadəcə bu insanlar öz dövrlərinin böyük fiqurları idilər”, – Errol Mask deyib.
Qeyd edək ki, SpaceX və Tesla şirkətlərinin yaradıcısının atası Kazana səfəri zamanı sovet dövrünə aid yeməkləri dadıb, inqilabçı Vladimir Leninin və yazıçı Lev Tolstoyun təhsil aldıqları yerləri ziyarət edib.
Tahir Turan
Globalinfo.az
Ən son yeniliklər və məlumatlar üçün ain.az saytını izləyin, biz hadisənin gedişatını izləyirik və ən aktual məlumatları təqdim edirik.
