Cebheinfo portalından əldə olunan məlumata əsasən, ain.az xəbər verir.
Azərbaycanda dağlıq ərazilərdə istilik mövsümü hər il 1 noyabrdan başlanır.
Bu gün Quba və Qusarın dağlıq bölgələrinə ilin ilk güclü qarı yağıb. Dağlıq ərazilərdə havaların soyuması isə istilik ehtiyacının yarandığını göstərir. Noyabr ayının 1-dən dağlıq ərazilərdə bir sıra sosial obyektlərə istilik veriləcək.
Bəs nəzərdə tutulan dağlıq ərazilərin rəsmi siyahısı varmı?
Mövzu ilə bağlı “Cebheinfo.az”-a açıqlama verən "Azəristiliktəchizat" ASC-nin mətbuat katibi Elvin Basqallı bildirib ki, dağlıq rayonlarının bir sıra yaşayış və sosial obyektləri istiliklə təmin olunacaq:
“Cəmiyyətin xidmət zonasına daxil olan 9 dağ rayonunda (Şuşa, Qəbələ, Quba, Qusar, Xaçmaz, Siyəzən, Şabran, Lerik, Şamaxı) payız-qış mövsümü ərzində 39 qazanxana və 1 istilik məntəqəsi vasitləsi ilə 34 yaşayış binası, 16 orta məktəb, 3 uşaq bağçası, 2 səhiyyə müəssisəsi, 18 sosial və təsərrüfat hesablı obyektlər istiliklə təchiz olunacaq və mövsüm növbəti ilin may ayının 1-dək davam edəcək”.
Gülər
“Cebheinfo.az”
Problemlərinizi bizə yazın, şahidi olduğunuz hadisələri çəkib göndərin
Ən son yeniliklər və məlumatlar üçün ain.az saytını izləyin, biz hadisənin gedişatını izləyirik və ən aktual məlumatları təqdim edirik.
