"Relslərin üzərinə qəsdən daş düzürlər" - Video

Qatar yoluna kənar əşyalar qoymaq ciddi fəsadlara səbəb ola bilər. "Bakuinfo" xəbər verir ki, bu barədə ADY məlumat yayıb. 2025-ci ilin 9 ayı ərzində ADY qatarlarının maşinistləri bu səbəbdən 37 dəfə təcili tormozlama ediblər ki, nəticədə sərnişinlərin və qatar heyətinin həyatına təhlükə, həmçinin qrafikdə gecikmələr yaranıb. Hadisələrin əksəriyyətində relslər üzərinə qəsdən daş düzülməsi halları müşahidə olunub. Xatırladaq ki, bu cür məsuliyyətsiz hərəkətlərlə qatarlara ziyan vuranlar Azərbaycan qanunvericiliyi əsasında məsuliyyətə cəlb olunurlar.