ain.az, GlobalInfo saytına istinadən bildirir.
“ABŞ-ın yeni sanksiyaları Ukrayna münaqişəsinin həlli üzrə danışıqlar prosesinə ziddir”.
Globalinfo.az xəbər verir ki, bunu Rusiya Xarici İşlər Nazirliyinin sözçüsü Mariya Zaxarova deyib.
“Əgər ABŞ-ın hazırkı administrasiyası Rusiyanı qanunsuz sanksiyalar vasitəsilə öz milli maraqlarını qurban verməyə məcbur etməyə və ya sələflərindən nümunə götürməyə başlasa, nəticə tamamilə eyni olacaq. Yəni bu, daxili siyasi nöqteyi-nəzərdən fəlakətli və qlobal iqtisadiyyatın sabitliyi üçün mənfi haldır”, – deyə o bildirib.
Zaxarova qeyd edib ki, Rusiya Qərb sanksiyalarına qarşı immunitet formalaşdırıb və yeni məhdudiyyətlərə baxmayaraq, iqtisadi inkişafı davam etdirəcək.
Xatırladaq ki, ABŞ Maliyyə Nazirliyi Rusiyanın 2 böyük enerji şirkəti – “Rosneft” və “Lukoil”a qarşı (34 törəmə şirkətləri ilə bərabər) total sanksiyaların tətbiqi barədə qərar qəbul edib.
Əliyar Xəlil
Globalinfo.az
Hadisənin gedişatını izləmək üçün ain.az saytında ən son yeniliklərə baxın.
