"Xurma bir çox faydalı mikroelementlərə malikdir".
Ölkə.az "lenta.ru"ya istinadla xəbər verir ki, bu barədə həkim-qastroenteroloq Yevgeni Belousov danışıb.
Həkimin sözlərinə görə, xurma A və C vitaminləri, B qrupu vitaminləri, maqnezium, kalsium və həmçinin çoxlu lif ehtiva edir:
"Bunlar xolesterin səviyyəsini nəzarətdə saxlamağa və bağırsaq sağlamlığını qorumağa kömək edir: Bundan əlavə, xurmada çoxlu kalium var ki, bu da onu ürək üçün faydalı edir".
O qeyd edib ki, bu mövsümi meyvə həmçinin çoxlu antioksidantlar ehtiva edir – iltihab əleyhinə, mikrob əleyhinə və potensial olaraq xərçəng əleyhinə təsir göstərən maddələr:
“Xurma düzgün istehlak edildikdə orqanizm üçün böyük fayda verən qiymətli bir pəhriz məhsuludur. Bir yetkin üçün tövsiyə olunan gündəlik xurma porsiyası – meyvənin ölçüsündən asılı olaraq gündə bir-iki ədəddir".
Həkim bu meyvəni pendir və ya qoz-fındıqla yeməyi, yaxud yeməkdən sonra desert kimi istehlak etməyi tövsiyə edib.
Həmidə İbrahimova
