BAKI, 8 oktyabr. TELEQRAF
Tovuz rayonunda ölümlə nəticələnən yol qəzası baş verib.
Teleqraf-ın xəbərinə görə, hadisə oktyabrın 7-də saat 19:30 radələrində Xatınlı-Əlimərdanlı avtomobil yolunda qeydə alınıb.
Əliyev Nuran Fikrət oğlu idarə etdiyi “Opel Astra” markalı avtomobillə hərəkətdə olarkən 1940-cı il təvəllüdlü piyada Musayev Qiyas Hüseyn oğlunu vurub.
85 yaşlı piyada aldığı xəsarətlərdən hadisə yerində ölüb.
Faktla bağlı Tovuz Rayon Polis Şöbəsində Cinayət Məcəlləsinin 263.2-ci maddəsi ilə cinayət işi başlanaraq istintaq aparılır.
