“Ayaks” UEFA Çempionlar Liqasının 2-ci turunda “Marsel”lə keçirəcəyi matça azarkeşlərini dəvət edə bilməyəcək.
KONKRET.az xəbər verir ki, oyun sentyabrın 30-da Fransada olmalıdır.
Niderland klubuna özü ilə azarkeş gətirməyi Fransa Daxili İşlər Nazirliyi qadağan edib.
Nazirliyin yaydığı sənəddə “Ayaks”ın səfərlərinin bəzi azarkeşlərin aqressiv davranışı səbəbindən tez-tez iğtişaşlar mənbəyinə çevrildiyi və iki klubun azarkeşləri arasında rəqabətin “uzun illər ərzində düşmənçiliklə yadda qaldığı” bildirilir.
