Qlobal borc bu ilin ikinci rübündə rekord həddə – 337,7 trilyon dollara çatıb.İqtisadiyyat.az xəbər verir ki, bu barədə Beynəlxalq Maliyyə İnstitutu məlumat yayıb.Qlobal maliyyə şərtlərinin yumşaldılması, zəif ABŞ dolları və əsas mərkəzi bankların daha mülayim mövqeyi nəticəsində borc kəskin şəkildə artıb.Bildirilib ki, qlobal borc bu ilin birinci yarısında 21 trilyon dollardan çox artıb. İlin əvvəlindən bəri isə ABŞ valyutası əsas valyutalara qarşı 9,75% zəifləyib.İnkişaf etməkdə olan bazarlarda ümumi borc ikinci rübdə 3,4 trilyon dollar artaraq rekord səviyyəyə – 109 trilyon dollara çatıb. Bu, əsasən “G7” ölkələri və Çində kəskin şəkildə artmış dövlət borcu ilə bağlıdır.
