Türkiyəli məşhur müğənni Güllü 6-cı mərtəbədəki evinin balkonundan yıxılaraq ölüb.
"Bakuinfo" Türkiyə mediasına istinadən xəbər verir ki, arabesk musiqisinin sevilən simalarından biri olan Güllünün ölümü ilə bağlı xəbəri oğlu Tuğberk Gülter İnstaqramda açıqlayıb:
"Kədərli xəbəri paylaşmaq üçün bu mesajı dərc edirəm. Sosial mediada yayılan intihar xəbərlərinin əsası yoxdur. Güllünü bu gecə baş verən bədbəxt hadisə nəticəsində itirdik. Cənazə ilə bağlı xəbərləri bu səhifədə paylaşacağam. Başımız sağ olsun".
