Tiflisdəki "Holiday Inn" hotelində atəş səsləri eşidilib.
Ölkə.Az Gürcüstan mətbuatına istinadən xəbər verir ki, mehmanxananın əməkdaşlarını hədələyən silahlı şəxs saxlanılıb. Polisə hotel otaqlarından birində atəş səsi ilə bağlı məlumat daxil olub.
Bundan əlavə, Gürcüstanın “Formula” televiziya kanalı “Holiday Inn”də naməlum şəxsin bir nəfəri girov götürməsi barədə məlumat yayıb.
Tbilisi polisinin direktoru Vaja Siradze bildirib ki, bir nəfər saxlanılıb.
Faktla bağlı “Təhlükə” və “Qanunsuz olaraq silah əldə etmə, saxlama və gəzdirmə” maddələri ilə araşdırma başlanılıb. Siradze qeyd edib ki, Daxili İşlər Nazirliyi istintaq başa çatdıqdan sonra rəsmi açıqlama verəcək.
