Portuqaliyalı futbolçu Kristiano Ronaldonun oğlu yenidən gündəmə gəlib.
Axar.az Publika.az-a istinadən xəbər verir ki, Junior Ronaldonun “Əl-Nəsr”in yeniyetmələrdən ibarət komandasında vurduğu gözəl cərimə qolu ilə bağlı video sürətlə yayılıb. Gənc futbolçu topun arxasına atasına xas özünəinamla keçib və Ronaldonun məşhur zərbə texnikasından istifadə edib. Güclü vuruş qapıçıya heç bir şans qoymayıb.
Ən maraqlı məqam isə qolun qeyd olunması olub. Ronaldonun oğlu atasının illərdir azarkeşləri coşduran məşhur “Siu” sevincini təkrarlayıb.
