Azərbaycan Gənc Müəllimlər Assosiasiyası xaricdə yaşayan soydaşlarımız üçün “Ana dili – Azərbaycan məktəbi” layihəsi üzrə onlayn dərslərə start verib.
"Cebheinfo.az" xəbər verir ki, layihənin əsas məqsədi soydaşlarımızın ana dilini öyrənməsi, Azərbaycan mədəniyyətinə və adət-ənənələrinə daha sıx bağlı olmalarına dəstək göstərməkdir.
Onlayn dərslər çərçivəsində şagirdlər:
Azərbaycan dilində oxuma və yazma bacarıqlarına yiyələnirlər;
Rəngarəng interaktiv məşğələlərdə iştirak edirlər;
Milli dəyərlərimizi yaxından öyrənirlər.
Layihə Azərbaycan Gənc Müəllimlər Assosiasiyasının təşkilatçılığı və Azərbaycan Respublikasının Qeyri-Hökumət Təşkilatlarına Dövlət Dəstəyi Agentliyinin maliyyə dəstəyi ilə həyata keçirilir.
"Cebheinfo.az"
