1 iyul 2024-cü ildən etibarən Oxu.az mobil tətbiqinin köhnə versiyasına dəstək dayandırılacaq - yenilənmiş versiyanı endirmək üçün Google Play və ya AppStore-a keçməyiniz xahiş olunur.
Argentina hökuməti maliyyə yardımı müqabilində ölkənin cənubundakı hərbi bazada ABŞ hərbçilərinin yerləşdirilməsinə icazə verməyə hazır olduğunu açıqlayıb.
Oxu.Az xəbər verir ki, bu barədə TN telekanalı məlumat yayıb.
Bildirilib ki, Buenos-Ayres hökuməti Uşuaya şəhərində inşa edilən bazanın ABŞ hərbçiləri tərəfindən istifadəsini müzakirə edir. Məhz bu səbəbdən Argentina Prezidenti Xavyer Mileylə birlikdə Nyu-Yorka gedən nümayəndə heyətinin tərkibinə müdafiə naziri Luis Petri də daxil edilib.
Qeyd edilir ki, ABŞ tərəfi Buenos-Ayresi Çinlə valyuta svopundan imtina etməyə çağırır. Vaşinqtonun məqsədi Pekinin regiondakı təsirini azaltmaqdır.
Çərşənbə axşamı Prezident Xavyer Miley Nyu-Yorkda BMT Baş Assambleyasının 80-ci sessiyası çərçivəsində ABŞ Prezidenti Donald Trampla görüşüb. Ötən həftə isə o, hökumətinin ABŞ ilə borcların ödənilməsi üçün maliyyə dəstəyi imkanlarını müzakirə etdiyini açıqlamışdı.
