İran prezidenti Məsud Pezeşkianın çərşənbə axşamı Nyu-Yorka səfəri planlaşdırılır.
"Unikal" xəbər verir ki, bu barədə İran prezidentinin siyasi müşaviri Mehdi Sənai bildirib. O qeyd edib ki, İran prezidenti Tehranda yeni dərs ilinin açılış mərasimində iştirak etdikdən sonra Nyu-Yorka səfər etməyi planlaşdırır.
Pezeşkian BMT Baş Assambleyasında çıxış edəcək.
Səfər çərçivəsində onun dövlət başçıları ilə ikitərəfli görüşləri, BMT-nin baş katibi Antonio Quterreşlə danışıqları, beyin mərkəzlərinin, beynəlxalq təşkilatların, İran diasporunun nümayəndələrinin iclaslarında iştirakı da gözlənilir.
